शहीदको सपना र अठोटलाई शिरोधार्य गर्ने दिनः प्रधानमन्त्री दाहाल

माघ १६, २०८० काठमाडौं । प्रधानमन्त्री पुष्पकमल दाहालले आजको दिन सबैले शहीदको सपना र अठोटलाई शिरोधार्य गर्दै क्रान्तिका बाँकी कार्यभारहरु पूरा गर्न संकल्प गर्ने दिन भएको बताएका छन् । शहीद दिवसको सन्दर्भमा शुभकामना सन्देश जारी गर्दै प्रधानमन्त्री दाहालले शहीद दिवसलाई आफूले महान् शहीदहरूको योगदानलाई सम्मान गर्दै उहाँहरूको योगदान र कृति चीरस्थायी तुल्याउन र शहीद परिवारको उच्च सम्मान, संरक्षण र जीवनवृत्तिका लागि समर्पित हुन प्रेरित हुने दिनकोरुपमा लिएको बताएका छन् ।